მარტყოფი

  კლასი ესტუმრა მარტყოფის მონასტერს .

ბავშვები დიდი ინტერესით გაეცნენ მონასტრის ისტორიას 
...მარტყოფის ღვთაების მონასტერი მდებარეობს სოფ. მარტყოფის მახლობლად, თბილისიდან აღმოსავლეთით, 25-27 კილომეტრზე. ტყით დაფარულ იალნოს ქედზე. ღვთაების მონასტერი დაარსებულია 13 ასურელ მამათაგან ერთ-ერთის მამა ანტონ მარტყოფელის მიერ VI საუკუნეში. ქართული წერილობითი წყაროების თანახმად ამ ადგილს VI საუკუნემდე აკრიანი - ქვიანი ადგილი - რქმევია. აქ ტაძარი ჯერ კიდევ ვახტანგ გორგასალს აუშენებია .

VI ს. პირველ ნახევარში აკრიანის მთებში დამკვიდრდა საქართველოში მოსული ასურელი მამებიდან ერთ-ერთი, ანტონ მარტყოფელი. იგი განცალკევებით, დაყუდებულ ცხოვრებას ეწეოდა, რის გამოც მას მარტომყოფელი უწოდეს, ხოლო ადგილმა სახელწოდებად მარტყოფი მიიღო. მამა ანტონს მალე გაუვარდა სახელი როგორც სასწაულმოქმედს, ამიტომ მის გარშემო მალე თავი მოიყარეს მორჩილებმა, რასაც მოგვიანებით მარტყოფის სამონასტრო ცხოვრების აღორძინება მოყვა.
ბავშვებმა დიდი ინტერესით დაათვალიერეს მონასტერი და მისი შემოგარენი .

შემდეგ კი გართობას და დასვენებასაც დაუთმეს დრო .
დღემ ძალიან ნაყოფიერად და ხალისიანად ჩაიარა.

ფოტოალბომი